„Очекувам од новиот претседател на Собранието да го извести претседателот на државата за новото парламентарно мнозинство, кој во следните 10 дена ќе може да го даде мандатот“, изјави претседателот на СДСМ Зоран Заев, по средбата со еврокомесарот Јоханес Хан.
„Се надевам дека ќе има сенс од сите политички партии, затоа што сите ние постоиме поради иднината на Македонија. Веруваме дека никој нема намера да го блокира Собранието“, рече Заев.
Според него, граѓаните го губат трпението и очекуваат дебата, а процесите мора да се забрзаат.
„Јас очекувам до крајот на ова недела Собранието да одржи конститутивна седница. Сето друго ќе значи банализирање и барање изговори од ВМРО-ДПМНЕ. Тоа е едноставна работа, да продолжи седницата каде што прекина на двете точки. Убеден сум и верувам дека до крајот на неделата Парламентот ќе продолжи со работа“, истакна Заев.
