Најпопуларната социјална мрежа на светот има исклучително амбициозни планови за иднината, кои ги откри извршниот директор Марк Закерберг. Во моментот Facebook во голема мера е дел од модерниот живот, а целта на компанијата е во иднина нивното влијание да биде уште поголемо.
На прославата на роденденот на компанијата, Закерберг најави кои се плановите за развој. До 2030 година социјалната мрежа според плановите на Закерберг, треба да ја зголеми својата база на дури 5 милијарди корисници.
Со оглед на тоа дека на планетата има околу седум милијарди луѓе, а околу 1,5 милијарди од нив користат Facebook, јасно е дека планот на социјалната мрежа е исклучително амбициозен.
Дали ќе успеат во тоа е тешко да се предвиди, но судејќи по она што компанијата досега го има остварено, дефинитивно ништо не е невозможно.
Разните проекти што ги подготвува Закерберг со новите соработници, како што е идејата Internet.org, би требало да овозможи бесплатен интернет во сите делови на светот, па очекувањата се дека бројот на корисници постојано ќе се зголемува.
Закерберг е уверен дека за 15 години, пет милијарди луѓе ќе бидат дел од популарната мрежа.