Ернестин Шеферд е доказ дека можете да направите сè што ќе посакате, без оглед на возраста. Таа е најстарата бодибилдерка во светот, а верувале или не, на 16 јуни наполни 80 години.
Родена е на 16 јуни 1936 година, започнала да вежба на 56 години и оттогаш има освоено две титули за бодибилдинг. Во периодот од 2010 година до 2011 година беше прогласена за најстара натпреварувачка во светот од страна на Гинисовата книга на рекорди.
Која е нејзината тајна за успех?
Дисциплина, посветеност и напорна работа. Станува во 3 часот наутро, трча околу 130 километри неделно и јаде варени јајца, пилешко, зеленчук и пие многу вода. Но, вели дека тајната е едноставна, таа никогаш не се откажува од целта, пишува Bored Panda.