Познатите произведувачи H&M, Zara, Pull&Bear и Stradivarius ќе затворат илјадници продавници ширум светот, пишува Huffington Post.
Според проценките на весникот The Business & Fashion, глобалната индустрија за мода, облека и чевли поради пандемијата ќе има пад на приходите помеѓу 25 и 30 проценти.
Затворањето на продавниците најмногу се очекува во Азија и во Европа. Guardian пишува дека се очекува да се затворат 107 продавници низ Велика Британија.
Кон ова се додава и фактот дека глобализираната евтина мода се произведува во оддалечени делови на светот па пандемијата на коронавирусот придонесе за нарушување на комуникацијата.
Претходно, Zara најави дека ќе затвори 1.200 продавници ширум светот и ќе се фокусираат на онлајн продажба.
