Американската војска го модернизираше затворот во Гвантанамо за го адаптира за поугоден живот на сè постарите затвореници. Токму поради тоа овој злогласен затвор сè повеќе наликува на геријатриски оддел.
Посебен медицински центар, теретана, сала за операции, се само дел од новините. Неколку новинари беа поканети да ја посетат новата амбуланта. Болничкиот кревет изгледа како и секој друг, а во просторијата исто така има и инвалидска количка и медицинска опрема. Собата нема прозорци туку мал отвор на покривот од матно стакло и решетки. Од другата страна на ходникот е столица за вршење нужда.
Најстариот затвореник од вкупно 40 затвореници во Гвантанамо има 71 година, а најмладиот 37. Просечната возраст е 46 години. САД ги сметаат овие луѓе за преопасни. Свесни дека затворениците никогаш нема да си заминат од овде, американските власти одлучија дека Гвантанамо нема да се затвори. Ќе продолжи со работа уште 25 години.
„Многу размислувавме за тоа како да го подготвиме сместувањето на постарите затвореници и за инфраструктурата која ќе биде потребна за да биде безбедно и хумано“, изјави Ен Леанос, вработена во затворот.
Од отворањето во 2002 година досега умреле 9 затвореници од кои 7 се самоубиле. Еден затвореник починал од рак, а друг од срцев удар.
