Киднаперот на египетскиот авион се предал, а кипарските медиуми пред неговото апсење јавува дека од авионот побегнале уште најмалку пет лица, некои преку стаклото во пилотската кабина.
Според кипарската телевизија, киднаперот се појавил на вратата на авионот со кренати раце и се предал.
„Готово е“, објави преку Twitter кипарското Министерство за надворешни работи.
Претставник на министерството додаде дека се претпоставува дека киднаперот е нестабилна личност и дека случајот нема врска со тероризмот.
„Она што го разјаснивме е дека не станува збор за тероризам. Изгледа дека станува збор за нестабилна личност и се постапува на соодветен начин“, рече Александрос Зенон, претставник на кипарското Министерство за надворешни работи.
Авионот на Egypt Air на летот од Александрија за Каиро беше грабнат утрово и принудно слета на Кипар, по барање на киднаперот.