Кон крајот на 2014 година Philae успешно слета на комета во вселената, но откако мина една година без комуникација Европската вселенска агенција (ESA) соопшти дека сондата ќе биде без сигнали, односно ќе ја заврши мисијата на кометата 67П/ Чурјумов-Герасименко.
Rosetta, која кружи околу кометата, ќе престане да ги слуша сигналите од сондата на нејзината површина. Од Земјата ќе биде изгасен инструментот на орбитерот наменет за примање информации од Philae.
„Не е примен ниту еден сигнал од јули минатата година, а на почетокот на 2016 сфативме дека Philea е во постојан стадиум на хибернација“, соопштија од ESA.
На интернет веќе може да се прочитаат различни реакции за оваа одлука, а многумина се збогуваа со сондата, првиот уред направен од човек кој слетал на комета.