Неколку американски ортопеди ја предупредија јавноста за појава на нов вид запаление на нервите на рацете, кое се јавува после долги разговори на мобилен телефон.
Лекарите соопштија дека ваквите случаи се се' почести, а Американското здружение на ортопеди тврди дека оваа појава се јавува после прекумерна употреба на мобилен телефон.
После тенискиот, сега имаме и "мобилен лакт", истакнаа ортопедите во репортажата која ја реализираше американската ТВ мрежа CNN.
"Во ситуација, кога подолго време го држите мобилниот телефон на уво, лактот се затвора и се истегнува нервот кој ги контролира малиот и домалиот прст", објаснуваат стручњаците, додавајќи дека со тоа се запира протокот на крв спрема нервите и предизвикува некој вид краток нервен спој.
"Тоа доведува до трнење на малиот и прстот до него, па затоа треба телефонот почесто да го преместувате од една во друга рака, како би избегнале оштетувања", објасни Питер Еванс, директор на одделението за ортопедија во болницата во Кливленд, кој го проучуваше оваа нова болест на модерниот начин на живеење.
Лицата кои патат од овој вид воспаление, познато под името синдром на кубитален тунел, чувствуваат млитавост во рацете и силна болка при поткревање, стегање, ракување,м иење садови и тн..
"Разговорот на телефон е активност како и секоја друга. Доволно е да не се претерува и да се прекине во моментот кога ќе осетите вкочанетост на малиот и домалиот прст", вели др. Еванс.
