Ноќната мора на секој кој се бори со ваква или онаква диета - константното чувство на глад - наскоро би можела да биде заменета co најубавиот нутриционистички сон. Научниците произведоа природни додатоци за храната кои би можеле значително да го продолжат чувството на ситост.
Стручњаците од Институтот за храна во Норвич открија дека мешавината на маслиново масло, вода и еден тип на стабилизатор може да го продолжи чувството на ситост дури за два пати. Најавија дека не е далеку моментот кога овој чудотворен додаток ќе може да се додава на многу јадења, со што диеталците ќе може да го намалат внесувањето на калории и да слабеат без маките на гладувањето.
„Ова е прв пат при тестирањата да имаме навистина драматичен ефект. Очекувам првата храна збогатена со мешавината за побавно варење да се најде на полиците низ маркетите ширум светот за пет до десет години“, изјави Др. Мартин Викам.
Револуционерниот проект траел три години, а за се е заслужен полисорбатниот суфрактант наречен Tween 60, кој измешан со маслиновото масло и вода на желудникот не му дозволува брзо разградување на храната и го продолжува чувството на заситеност за значително подолго време.
При тестирањето, групата која пиела милкшејк измешан со Tween 60 мешавината после еден час во желудникот имала двојно повеќе содржина отколку другата група која не користела Tween 60. Поентата е дека револуционерната мешавина не дозволува одвојување на водата од маслото, со што дигестијата се одвива побавно.
Потенцијалната уптореба на ова е неброена, знаејќи дека поголемиот дел од денес преработената храна користи емулзии на база на маслото.
