"Наутро сме помудри" веќе не е само фраза. Истражувачите докажаа дека луѓето полесно ги надминуваат проблемите кога се добро наспани.
Најуспешни во решавање на проблемите се луѓето кои влегуваат во фаза на спиење, позната како REM (rapid eye movement) во која и најдолго сонуваат.
На денот на тестирањето, 77 волонтери добиле неколку проблематични задачи за било потребно подолго размислување. Некои од испитаниците морале да останат будни, а другиот дел од нив добиле дозвола за кратка дремка. Според истражувачите, најуспешни во решавање на задачите биле испитаниците кои влегле во REM фаза. Кај овие луѓе, способноста за решавање на креативните задачи се подобрила дури за 40 %.
Резултатите од истражувањето покажале дека за успешно решавање на задачите не е важно само спиењето или поминатото време за размислување, туку и квалитетниот сон.
"Дојдовме до заклучок дека за решавање на одреден креативен проблем на кој веќе работеа испитаниците, доволно е само да помине одредено време. Но, кај проблемите кои треба да "преспијат" - само REM фазата може да ја подобри креативноста" - изјави проф. Сара Медник.
Нејзиниот тим верува дека во REM фаза, мозокот прави нови нервни поврзувања без вклучување на други процеси за размислување, кои се активираат кога сме будни или кога спиеме, но не сонуваме.
"Испитувањето покажува дека во REM фазата му овозможува на мозокот снабдување со нови информации од некое искуство од минатото, како би се направила богата мрежа на асоцијации кои би ни биле корисни во иднина" - дообјасни проф. Медник.
