Женска соба на Клубот на пратенички отворена во Собранието

Скопје, 10 октомври 2018 (МИА) - Оваа современо уредена соба со симболични национални премиси, ќе биде соба во која Клубот на пратенички ќе функционира, ќе одржува состаноци, средби, ќе прима делегации и ќе се дружи, порача претседателот на Собранието Талат Џафери на отворањето на Женска соба на Клубот на пратенички во Парламентот.

- Тука се прикажани низ слики дел од активностите на нашите драги колешки, а во иднина оваа институционална меморија ќе биде збогатена со се надевам уште многу конкретни резултати од неуморната но толку важна работа на овој Клуб, кој е гласот на таканаречениот „понежен пол“, иако јас не би се согласил со таа констатација бидејќи, низ годините се докажа дека жената е движечка сила, мотор кој има визија, има сила и пред сѐ, има желба да створи поубав свет за нашите деца и за сите следни генерации, рече Џафери.

Нагласи дека денеска практично се реализира неговото ветување што го дал по повод Меѓународниот ден на жената и одбележувањето на 15-годишнината од функционирањето на Клубот на пратенички.

Фото: МИА/Дарко Попов