Вработените во една маркетингшка фирма имаа еден прилично забавен петок, откако експериментално ја тестираа својата работната продуктивност кога работаат - голи. На соблекување ги натерал нивниот директор Мајк Овен кој идејата ја добил од психологот Дејвид Тејлор. Досетливиот шеф во фирмата вовел правило на „гол петок“, ден кога сите на работа мораат да дојдат без облека.
На ваква екстремна мерка за подигање на тимскиот дух директорот се одлучил откако морал да отпушти 6 вработени, поради финансиски проблеми.
Проектот е успешен, тимскиот дух на многу повисоко ниво, а компанијата започнала со многу подобра работа. Вработените се воодушевени од „голиот петок“, а еден од нив изјави дека сега меѓу соработниците нема никакви бариери.
„Експериментот беше брилијантен. Сега, откако се видовме голи, немаме никакви бариери меѓу нас“, изјави 23 годишната Саманта Џексон.
Според психологот идеолог на ваквите петочни активности, вработените кои имаат можност да работаат без облека, меѓу себе разговараат многу поотворено и поискрено.
Иако некои вработени на почетокот пружале отпор, на крај сите се согласиле на работа да дојдат „како од мајка родени“, освен една девојка и еден маж кои одлучиле да останат во долна облека. Пред да се соблечат за прв пат, психологот им подготвил еднонеделни подготовки во кои биле вклучени задачи како „фотокопирај си еден дел од телото“ и скицирање на гол модел кој бил доведен во компанијата, пo што колегите дискутирале за истото.
Дури тогаш, според психологот и директорот, вработените биле подготвени за целосно соблекување. Мајк Овен е многу задоволен и гордо истакнува дека на неговата компанија конечно, добро и тргна.
Како работеле со клиенти во голиот петок, сеуште е непознаница :) Целиот експеримент е снимен и ќе биде презентиран како документарец на 9. јули на британскиот кабелски канал Virgin 1.
