Мрежата над сите мрежи е потполно легитимно номинирана за Нобеловата награда за мир, „поради ширење на комуникациите и разбирањето меѓу луѓето“, но никој не знае кој во името на интернетот би требало да ја прими наградата.
Во Осло на 2. февруари е заклучен рокот за пријава на номинации и иако традицијата во минатите 50. години официјални ги држи имињата на номинираните во тајност, оваа година поради „послободните јазици“ на некои од луѓето и организациите чии номинации се прифатени, има шпекулации кои говорат за некои навистина интересни кандидати-лауреати за Нобелот за мир.
Меѓу тие, можеби најинтересна наводно прифатена номинација е онаа на италијанското издание на онлајн магазинот Wired , по која со Нобеловата плакета за мир треба да се награди неживиот ентитет - интернетот. Предлагачот во предлогот не приложил личност која во случај на избор би ја превзела наградата. Нобеловиот комитет ја прифатил номинацијата како легитимна бидејќи освен стотината илјади потпишани поддржувачи предлогот го потпишала и иранската нобеловка од 2003. Ширин Ебади.
Сепак, реално, покрај номинираните личности интернетот има мали изгледи, не само затоа што нема кој да ја прими наградата (Тим Бернерс-Ли?) туку и затоа што се очекува дека комитетот за избор, после минатогодишните контроверзии со лауреатот Барак Обама, ќе „згазне на топката“ и ќе се одлучи за некој поконзервативен избор.
Б.И. | Кајгана
