Австриските власти на границата со Словенија праќаат приватни детективи кои тајно ги снимаат Австријците во купувањето цигари кај словенските продавачи на тутун на поранешната словенско-австриска граница.
Па така, „регистрирани“ се повеќе од 200 Австријци меѓу кои повеќето по враќањето дома по пошта добивале уплатници со барање да платат 350 евра казна. „Невнимателните“ купувачи во објективот на детективските камери најчесто се уловени кај своите автомобили, па на видео записот јасно се гледаат регистрациските таблички, личноста и количината на цигари кои се внесуваат во автомобилот.
ТВ Словенија открива дека трафикантите на австриска Корушка вакви услуги користат од минатата година, а со тоа сакаат да го спречат падот на продажба на тутунски производи во своите трафики.
Австриските власти, и покрај слободниот проток на стоки и услуги во ЕУ, одредија дека нивните државјани од Словенија во земјата може да внесат десет, оа од останатите земји во ЕУ - 40 кутии со цигари.
Ова, логично, е поради пониската цена на цигарите во Словенија поради кои се проценува дека Австрија на годишно ниво губи околу 37 милиони евра.
Б.И. | Кајгана
