Докторите веруваат дека во случајот на 15-годишната девојка спермата до репродуктивните органи стигнала преку желудникот, оштетен со два убоди со нож.
Чудната приказна за орален секс, борба со ножеви и најневеројатната бременост за која сте чуле, неодамна откако беше објавена на еден блог, повторно ги запрепасти докторите околу издржливоста на спермата.
Пред 22 години, 15-годишна девојка од мало афричко село во државата Лесото пристигнала на доктор со класични симптоми на бременост. Но, и покрај желбата да и помогнат, докторите биле запрепастени кога за време на прегледот сфатиле дека девојчето нема вагина.
„На прегледот се покажа дека нема вагина, туку мала перфорација на кожата“, објаснија докторите кои здравото момче од мајката го породија со царски рез.
Младата Африканка е родена со генетско пореметување, природна грешка наречена аномалија на Милеровите канали или Маер-Рокитански-Кистер-Хаусеров синдром. Меѓутоа, ова не ги шокирало докторите, туку фактот што 15-годишната девојка и без вагина останала трудна. Ни самата девојка не верувала дека е бремена.
Со преглед на медицинска документација докторите откриле како пред 278 дена малата завршила во болница поради убод од нож во стомакот. Просечната бременост, пак, трае 280 дена.
„Пред да биде прободена во подрачјето на абдоменот, девојката имала орален секс со новиот партнер. Тогаш на дело ги фатил нејзиниот поранешен дечко, кој се разлутил и и' задал повреди со нож“, наведуваат докторите.
Девојката тогаш во болница била примена со празен желудник, а со тоа и со многу малку киселина. Добила два убоди кои потполно и го отвориле стомакот.
Докторите веруваат дека спермата до репродуктивните органи дошла токму преку повредениот желудник.
„Спермата многу тешко се уништува. Ако од стотина милиони сперматозоиди уништите 90%, се' уште имате 10 милиони. Патот од нејзиниот стомак до долниот дел на абдоменот бил долг, но сперматозоидите преживеале“, заклучи Др. Питер Шлегел, раководител на уролошкиот оддел во болницата Вајл Корнел во Њујорк.
Оваа неверојатна вест ја пренесува ЕјБиСи, но сепак ви оставаме самите да процените колку ќе ви биде реална вам, бидејќи навистина звучи...премногу „магично“ :)
Хеј, сепак, се сеќавате на нешто што се вика Марфиев закон, нели?
Б.И. | Кајгана
