Дени Девито глумеше во филмот „Близнаци“ (Twins) од 1988 година со Арнолд Шварценегер. Тој го отелотвори Винсент Бенедикт, кој живее како измамник, додека „автрискиот снагатор“ го играше ликот на Јулиус Бенедикт, интелигентен, но наивен човек. Тие биле разделени при раѓањето и неколку децении подоцна едниот почнува да го бара другиот.
Со текот на годините имаше прашања дали некогаш ќе се сними продолжение. „Близанци 2“ наводно бил планиран, но на крајот не се остварил.
Сега, во интервју за GQ, Девито откри зошто никогаш не направиле продолжение на „Близнаци“.
„Јас и Арнолд сакаме повторно да работиме заедно. Требаше да го направиме ‘Близнаци 2’, но не го сторивме тоа затоа што тој стана гувернер. Подобро ќе беше да го направеше ‘Близнаци 2’ отколку да станеше гувернер. Сега планираме нов проект за кој зборуваме долго време“, изјави актерот.
На прашањето дали тој проект е поврзан со „Близнаци“, 78-годишникот имаше подготвен одговор.
„Не, се работи за двајца пријатели. И двајцата сакаме да поминуваме време заедно. Знаеме да си недостигаме. Јас сум многу посилен од него“, се пошегува Девито.