Не треба да се прекрива детската количка како заштита од сонцето бидејќи тоа може да доведе до синдромот на рана смрт на бебињата.
Предупредувањето доаѓа од истражувачи во Шведска кои сметаат дека дури и најтенката прекривка може да ја намали циркулацијата на воздухот и да ја зголеми топлината во количката, пишува Daily Mail. Синдромот на рана смрт на бебињата може да биде предизвикан од преголема температура, така што еден од ефективните начини за избегнување е одбегнување на термален стрес.
Се препорачува родителите да го остават лицето на бебето непокриено додека спие, односно бебињата до 6 месеци да бидат дома во текот на жештините, особено во периодот меѓу 11 часот и 17 часот.
Сванте Норген е педијатар во детската клиника „Астрид Линдгрен“ во Стокхолм. Заедно со колегите дошол до откритие дека ако ја покриете количката дури и со тенок материјал се намалува циркулацијата на воздухот и драстично се зголемува температурата.
„За да го заштитат бебето од сонце и топлина многу родители ја покриваат количката со пелени, крпи и слично. Педијатарите предупредуваат дека таквата заштита е опасна“, стои во студијата.
Во такви услови телесната температура на бебето може да се зголеми пет пати побрзо отколку температурата кај возрасните.