Американскиот физичар и космолог Лоренс Краус кој првично ја објави гласината за можното откритие на гравитационите бранови, го коментираше големото научно откритие. Станува збор за веројатно најважното откритие во последните 100 години - потврдувањето на специфичните бранови што Алберт Ајнштајн ги предвидел уште во 1915 година во рамките на Општата теорија на релативноста.
Гравитационите бранови се последица на забрзувањето на масивните објекти кои со своето движење создаваат набори во простор-времето, што потоа се шират како бранови на површината на водата. Тоа се поврзува со Општата теорија на релативноста, која вели дека масивните објекти во нормална состојба ја закривуваат структурата на простор-времето и така го создаваат ефектот што ние го знаеме како гравитација.
Физичарот и космолог Лоренс Краус изнесе детално мислење за ова откритие.
„Се се сведува на фундаменталното прашање - од каде потекнуваме и каде одиме. Можноста целата вселена одеднаш да ја гледаме на сосема поинаков начин ќе ни даде нова перспектива на нашето место во вселената. Тоа е голема предност за науката, бидејќи таа има моќ да го преиспита она што го знаеме. Слична моќ имаат уметноста, литературата и музиката, па сликите на Ван Гог и откритието на гравитационите бранови се преубави работи кои ги будат најдлабоките човечки емоции. Сите сме поврзани, сите сме дел од вселената. Процесите кои ја формирале црната дупка можеби се поврзани со експлозијата на супернова која исфрлила атоми од кои денес е составена мојата рака“ - вели Краус.
Иако првите информации сугерираа дека регистрираните бранови се создадени од бинарен систем на пулсари, Краус е среќен дека сепак станува збор за две црни дупки.
„Потврдата дека научниците регистрирале бранови кои се поврзани од две црни дупки при сударот ни дава нова слика за вселената. Прво, добиваме нови докази дека црните дупки постојат. Второ, добиваме начин како да го истражиме event horizon во црните дупки. Трето, добиваме одговори на прашањата за црната дупка во центарот на нашата галаксија. Четврто, ќе научиме нови работи за самата гравитација, но на крајот најважното е што не знаеме што следно ќе се случи - затоа и откритијата се викаат откритија“ - изјави Краус за австралискиот научен канал ASC.
A landmark day for Einstein and our understanding of the universe: the detection of gravitational waves. World Science Festival's own Brian Greene explains the discovery.
Posted by Albert Einstein on Thursday, February 11, 2016