Зошто респираторните инфекции се почести во есен и зима и дали може да настинете доколку накиснете на дождот?
Веќе знаете, есента пристигна, вирусите и бактериите почнуваат да се активни и освен ако имате челично здравје, веројатно до доаѓањето на пролетта ќе кивате и ќе бидете настинати.
Но, виновник за тоа не се ниските температури и дождот, така што не избегнувајте да одите надвор. Напротив, во текот на есен и зима е важно да бидете на воздух.
„Виновник за болестите во есен и зима е фактот што поголем дел од времето го поминуваме во затворено, така што вирусите и бактериите постојано се шират“, пренесува порталот Healthline.
„Во тек на есен и зима забележуваме пораст на респираторните инфекции“, објаснува д-р. Вилијам Шафнер, лекар од Универзитетот Вандербилт во Тенесија.
„Респираторните инфекции полесно се пренесуваат во зима поради две причини“, вели тој. „Првата е затоа што поминуваме време во затворени простории, блиску едни до други, така што дишеме ист воздух“.
Исто така, влажноста на воздухот во зима е на ниско ниво, така што вирусот останува во воздухот подолго време.
Просечен возрасен човек добива респираторна инфекција два до три пати во сезоната на грип, додека кај децата тоа се случува и почесто.