Популарниот мит за Русите дека одат вооружени во вселената е точен, а причините за тоа се конечно откриени.
До 2007 година руските космонаути заминувале вооружени во вселената не за да пукаат во вонземјани или во астронаутите на НАСА. Пиштолот и мачетата биле дел од нивната опрема за преживување во случај екипажот да слета во некоја далечна област во Русија, открива писателот Џејмс Симпсон.
И руските космонаути во текот на минатите години во интервју открија дека со себе носеле оружје во мисиите. Космонаутот Сергеј Рјазански вели дека во периодот меѓу 1982 година и 2006 година сите руски астронаути со себе носеле оружје во вселената, пишува Sputnik.
Советскиот научник Борис Черток во книгата „Ракети и луѓе“ опишува настан што се случил во 1965 година кога Voskhod 2 се спуштил во тајга во Урал со астронаутите Алексеј Леонов и Павел Белјаев. Спасувачките екипи не можеле да дојдат до нив повеќе дена. Писателот го опишува моментот кога виделе како се приближува мечка до местото каде астронаутите се сместиле. Токму затоа идејата за оружје не е луда, пишува Metro.
Поголемиот дел од Русија е дивина, а само една грешка може да ги однесе астронаутите во пустелија. Руските космонаути биле вооружени со пиштол TP-82 до 2007 година. Денес, благодарение на технологијата имаат помала причина да носат оружје. Но, за секој случај, космонаутите со себе сè уште носат ваква слична опрема за преживување, но без пиштол.