Експертите со години предупредуваат дека ненаспаноста кај возачот е подеднакво опасна како и алкохолизираноста, а најновата студија носи нови созданинија за овој проблем. Непрофитната организација AAA Foundation for Traffic Safety сега објави нови резултати за истражувањата поврзани со недостатокот на сон кај возачите.
Фондацијата ги испитувала податоците за сообраќајните несреќи кои се случиле во периодот меѓу 2005 и 2007 година, а истражувањето опфатило 7.234 возачи кои учествувале во 4.571 сообраќајна несреќа во тој период.
Резултатите покажале дека кај возачите кои претходната вечер спиеле 6-7 часа, постои 1,3 пати поголем ризик да предизвикаат сообраќајна несреќа, за разлика од оние кои спиеле 7 или повеќе часа.
Оние кои спиеле 5-6 часа имаат 1,9 пати поголема опасност да предизвикаат сообраќајка во однос на оние што имале седумчасовен сон, додека кај оние што спиеле помалку од 5-6 часа опасноста од сообраќајка е 4,3 пати поголема.
Ризикот драстично се зголемува, ако претходната вечер спиел помалку од 4 часа. Истражувањето покажало дека оние кои спиеле помалку од 4 часа имаат ризик да предизвикаат несреќа до 11,5 пати поголем од оние што спиеле барем седум часа.
„Најновото истражува покажува дека возачот што претходната вечер спиел помалку од пет часа, статистички има исти шанси да предизвика судар како и оној што седнал зад воланот во алкохолизирана состојба“ - вели првиот човек на фондацијата, Дејвид Јанг.
Нивното истражување покажало и дека еден од тројца возачи признал дека во претходниот месец, барем еднаш возел во состојба да му се затвораат очите од ненаспаност.
