Некои жени се уверени дека едноставно им е судбински за нив да се лепат погрешни мажи. Некои можеби имаат таква карма, ама доколку константно ви се лепат кретени, најверојатно самите сте си криви за тоа.
Затоа што токму такви бирате:
1. Приоритет ви е изгледот
Нормално, би било идеално доколку фраерот со одлична смисла за хумор истовремено е и згоден, но кога изгледот е топ приоритет, жените најчесто си ги расипуваат шансите за запознавање на навистина добри мажи. Подобро е да засакате навидум обичен маж кој ќе ве освои со квалитетите кои немаат врска со изгледот, отколку да дозволите неговата надворешност толку да ве прелаже и да изгубите интерес за тоа што го поседува внатре.
2. Секогаш бирате ист тип на карактер
Бившиот ви бил кретен, а како потенцијален нов дечко ќе одберете некој кој само изгледа поинаку, а се однесува многу слично. Карактерните особини не можат да се сокријат, а доколку се правите дека не гледате исто однесување кое веќе не ви одговарало, не си правите услуга.
3. Сакате галамџии
Нивната привлечност лежи во способноста во краток временски период да го привлечат сето внимание во просторијата, што на прва можеби е добра карактеристика, но доколку паѓате само на вакви фраери, свесно ги игнорирате оние кои се поповлечени. Интровертните мажи не се секогаш подобар избор, но не се лепете таму каде што се залепуваат сите и можеби ќе имате повеќе среќа.