Зборувањето во сон може да се случи во било која фаза од сонувањето, а оние кои неразбирливо зборуваат во сон, наутро речиси никогаш не се сеќаваат на тоа.
Многумина се грижат дали зборувањето во сон е нормална појава и зошто се случува? Дали стресот и проблемите со спиењето се причина за зборување во сон или станува збор за вообичаена појава?
За повеќето луѓе, зборувањето во сон не може да има негативни ефекти. Тоа може да им смета единствено на оние кои со нив ги делат креветот или собата - велат докторите.
Што го предизвикува зборувањето во сон?
Оваа појава може да биде последица на сериозни пореметувања во спиењето, како што е апнеја, но причинител може да бидат и ноќните мори, РЕМ пореметувања (кога личноста се обидува да го одлглуми тоа што го сонува). Исто така, грозница, ненаспаност, депресија, стрес, консумирање алкохол и дрога може да предизвикаат зборување во сон.
