Повеќе од било кога Американци се идентификуваат како лезбејки, геј, бисексуалци, трансродови или сѐ уште неодлучени.
Истражувањето спроведено од Gallup Poll, кое беше објавено во текот на вчерашниот ден, открива дека 5,6 проценти од Американците се идентификуваат како ЛГБТ+, што е повеќе од оние 4,5 проценти од 2017 година кога последен пат Gallup истражуваше на оваа тема. Најголемиот дел од припадниците на ЛГБТ+ заедницата се лица на возраст од 18 до 23 години.
Од оние кои се класифицирале себеси како ЛГБТ+, најголемиот дел, односно 54,6% се изјасниле како бисексуалци. 24,5% биле геј, 11,7% лезбејки, 11,3% се изјасниле како трансродови, додека 3,3% се оние сѐ уште неодлучни во која категорија спаѓаат.
Опфатени биле 15.000 испитанаци на возраст над 18 години. Најголемиот дел, или 86,7% се хетеро, додека 7,6% одбиле да се изјаснат.
Нема разлика во степенот на образование кај ЛГБТ+ лицата: 5,6% од оние кои завршиле факултет се ЛГБТ+, додека 5,7% се лица кои се со средно.
Има разлика кај половите бидејќи 6,4% од ЛГБТ+ лицата се жени, додека 4,9% се мажи.
Порасната е и поддршката за истополови бракови. Во 2007 година 36% од Американците поддржувале вакви бракови, додека сега дури 62%.
