Тензиите меѓу САД и Северна Кореја стануваат сѐ поинтензивни, па не се исклучува можноста од ескалација на ситуацијата и избувнување на Трета светска војна.
Во случај на конфликт од глобални размери, ова се земјите за кои се смета дека би биле безбедно прибежиште, судејќи според Глобалниот индекс на мир во кој се рангирани 163 земји според степенот на безбедност.
Канада
Се наоѓа на осмото место на листата најбезбедни земји на светот. Беше на истото место и лани со оцена од 1,1 од можни 5 (пониска оцена означува повисок степен на безбедност).
Данска
Иако Данска, како земја што излегува на море и е членка на НАТО би можела да трпи поледици при глобален конфликт, таа под свој суверенитет го има и огромниот регион Гренланд каде може да се побегне.
Исланд
Географски, Исланд не се граничи со ниту една држава, што значи дека поради нејзината оддалечена локација би можела да остане надвор од воената зона. Со оглед на тоа дека има оцена 1, Исланд е една од најбезбедните локации во случај на светска војна.
Јапонија
Јапонија успеа да се вовлече на последното место од листата топ 10 најбезбедни земји во светот за 2017 година. Поради внатрешната безбедност и отсуството на учество во меѓународни конфликти, земјата доби оцена 1,4. Сепак, поради близината на Северна Кореја и нејзините ракетни проби, Јапонија може да падне надолу на листата.
Чешка
За разлика од земјите во ЕУ кои веќе искусија што значи тероризам, во Република Чешка досега немало терористички напад. Поради тоа оваа земја се пласира на високото шесто место на листата.
Австрија
Оваа алпска земја се наоѓа на четвртото место со оцена 1,5.
Словенија
Словенија долго време не била вклучена во долготрајни конфликти од поголеми размери. Бројот на термални, соларни и хидро извори на електрична енергија е во пораст, што значи дека оваа земја, во случај на конфликт, не би морала да се потпира на увоз на струја.
Нов Зеланд
Како Словенија, Нов Зеланд е самодоволен кога е во прашање електричната енергија и повеќе од 50% од вкупната енергија ја добива од хидро извори. Друг важен фактор е плодната земја што е погодна за одгледување најразлични култури. Уште една голема предност на Нов Зеланд е неговата зафрлена локација.
Португалија
Трета на листата најбезбедни земји е Португалија. Земјата во Втора светска војна била Неутрална, а и подоцна не учествувала во конфликти.
Швајцарија
Позната е по нејзината неутралност, како и планините со кои е опкружена и претставуваат природни бедеми и заштита од својувачи. На листата на Глобалниот индекс на мир за 2017 година, Швајцарија го зазема деветтото место.