10 навики на најуспешните луѓе во светот, на една Опра особено се придржува

Познатиот актер Двејн Рок Џонсон еднаш на Twitter напиша: „Успехот не е секогаш поврзан со големината. Се работи за постојаност. Напорната работа носи успех. Славата ќе дојде“. Иако успехот може да дојде на разни начини, формулата за негово постигнување е често иста – поставете цели и вложете напор. Leaders пишува дека успехот не се дефинира само со потрагата по богатство, слава или социјален статус, туку се гради според условите и правилата на секој човек.

Според нив, ова се топ 10-те дневни навики на успешните луѓе, кои можете да ги интегрирате во вашата рутина.

Секојдневно читање

Во книгата „Change Your Habits, Change Your Life“, авторот Том Корли тврди дека 88% од богатите луѓе поминуваат најмалку 30 минути дневно читајќи. Меѓу страсните читатели беше Алберт Ајнштајн, кој основаше клуб за книги во Академијата „Олимпија“. Ова покажува дека збогатувањето на вашиот ум е сигурен начин да се отелотворат навиките на успешните луѓе.

Лични обврски пред работа

Секој ден до 8:30 часот Опра Винфри ги шета своите кучиња, пие кафе и чита пред да се подготви за својата утринска медитација. Потоа вежба еден час, а по ручекот – почнува да работи.

Иако можеби изгледа необично, утринската рутина пред работа, која овозможува лични обврски и активности, може да има значително влијание врз целокупната продуктивност. На пример, податоците од Thrive MyWay покажуваат дека 92% од високо успешните луѓе имаат солидна утринска рутина и дури потоа почнуваат со работа.

Ментална ефикасност

Студијата финансирана од Националната научна фондација на САД покажа дека чувањето дневник на нечии мисли и чувства ја зголемува менталната ефикасност. Дневникот не е единствениот метод што може да се користи за да се постигне јасност на видот, но покажува дека поминувањето време во саморефлексија овозможува позначаен тек на мислата.

Многу успешни луѓе, како Ричард Бренсон, Џ.К. Роулинг и Тим Ферис, велат дека медитираат секојдневно и пишуваат дневник.

Повеќе извори на приход

Во една статија за CNBC, авторот на „Rich Habits Poor Habits: Learn the Daily Habits That Separate the Rich from the Poor“, Том Корли, тврди дека 65% од 233 богати луѓе што биле анкетирани имаат најмалку три извори на приход. Понатаму, 45% имале четири извори на приход, а 29% имале пет или повеќе. Во такви услови, кога еден прилив на приходи ќе попушти или забавува, тие може да се фокусираат на друг извор или да му дадат приоритет пред другите.

Секојдневно вежбање

Улогата на секојдневното вежбање не може да се потцени во негувањето на успехот во животот, а оние што се држат до своите секојдневни навики разбираат дека вежбањето носи непобитни придобивки, како што се чувството за постигнување, подмладување и подобрување на менталните способности.

Поради оваа причина, дури и оние што веќе постигнале голем успех, како Ричард Бренсон, никогаш не прават компромиси со секојдневното вежбање. „Вежбањето води до ослободување невротрансмитери, кои ја зголемуваат менталната сила и го подобруваат распонот на вниманието“, вели физиологот Јасмин Теард во интервју за Piedmont Healthcare.

Организација на време и труд

Дневните планери, организатори и списоци со задачи се оружјето на успешните луѓе. Покрај тоа, 63% од нив се будат додека навдор е уште ноќ, а 44% се подготвуваат за претстојниот ден претходната ноќ, според податоците на ThriveMyWay.

Кога станува збор за навиките на високо успешните луѓе, тајната лежи во управувањето со времето. На пример, вообичаена навика за многу луѓе е да поминуваат малку време на својот мобилен телефон наутро, а успешните луѓе го користат тоа време, на пример, за да постават јасни приоритети за претстојниот ден.

Опкружете се со други успешни луѓе

Кога се дружите со истомисленици, ги апсорбирате нивните идеи и енергија, а тие на сличен начин ги апсорбираат вашите. На овој начин меѓусебно се охрабрувате и разменувате одговорности, идеи и мотивации. Ако имате луѓе во вашиот живот што ве попречуваат или ве задржуваат, заменете ги со поздрави врски, пишува Leaders.

Привлекување успех со позитивност

Спротивно на популарното верување, многу успешни луѓе се филантропи. Леброн Џејмс, на пример, ја основал семејната фондација „Леброн Џејмс“ за да им помогне на ризичните млади во својот роден град. Друг пример е основачот на Spanx, Сара Блејкли, која ја основа фондацијата „Spanx“ за да им помогне на жените.

Успешните луѓе веруваат дека само со служење на другите може да се погрижат да им се случи нешто позитивно. Овој начин на размислување се нарекува закон на привлекување и вели дека ако правите добро за другите, доброто ќе ви се врати. Авторот Џек Канфилд го објаснува вака: „Законот за привлекување вели дека на што и да се фокусирате, размислувате, читате и интензивно зборувате, ќе го привлечете во вашиот живот“.

Грижете се за себе и вашето тело

Успешните луѓе го гледаат својот успех не само во тоа колку добро планираат, кого знаат или што на даваат приоритет, туку и во тоа колку добро се грижат за себе. За да ја задржат енергијата, тие ја разбираат важноста од добра исхрана, одмор и здрав начин на живеење.

Во една статија за Time, Ариана Хафингтон, коосновач на HuffPost, вели: „По многу години, конечно, спијам осум часа во текот на ноќта. Сега, наместо да се разбудам со чувство дека треба да брзам во текот на целиот ден и сè ќе заврши набрзина, се будам радосна за денот што е пред мене“.

Позитивност и благодарност

Една од последните главни навики на успешните луѓе е да практикуваат позитивно размислување и благодарност. „Медитирам секој ден. Тоа го правам наутро 10-15 минути и мислам дека е важно бидејќи ме подготвува за остатокот од денот“, откри еднаш Коби Брајант.

И науката ја поддржува оваа практика. Психолошка студија од 2021 година откри силна корелација помеѓу практикување благодарност и зголемување на нивото на среќа. Да се ​​најде време да се размислува за работите за кои сте благодарни и да се развие позитивен начин на размислување – клуч за постигнување успех. Ако практикувате позитивност, ќе имате повеќе можности отколку предизвици.

Тагови
реклама

Зошто никогаш не треба да користите мобилен телефон додека сте во тоалет?

Read more

Вучиќ: За три до четири месеци ќе биде најлошата ситуација од 1945 година

Read more

Се бараат доброволци за експеримент: За 60 дена ќе добијат 18.000 евра

Read more

Како би изгледала Европа ако светското море се подигне за 100 метри?

Read more

Живот

Стјуардеса откри како ги „казнуваат“ патниците кои не сакаат да го отстапат седиштето на дете

Read more

Кој ќе ги наследи милионите на модната легенда Роберто Кавали?

Read more

Се плашите од турбуленции додека летате? Колку навистина се опасни?

Read more

Хороскопски знаци кои не се љубоморни: имаат целосна доверба

Read more
 

Магазин

Колку често мажите и жените помислуваат на секс?

Читај повеќе

Стјуардеса откри како ги „казнуваат“ патниците кои не сакаат да го отстапат седиштето на дете

Читај повеќе

Кое е најлошо време да се мерите на вага?

Читај повеќе
Четири типа на пријатели

Четири типа на пријатели кои сите ги имаме

Читај повеќе

Постојано критикување - штетна навика која може да ја уништи врската

Читај повеќе

10 најголеми митови за исхраната во кои треба да престанеме да веруваме

Читај повеќе

Кој ќе ги наследи милионите на модната легенда Роберто Кавали?

Читај повеќе
  • filter

Северина или Ирина?

Читај повеќе

Алерголог советува кога да почнете да земате лекови за сезонска алергија

Читај повеќе