10 знаци дека не е сериозно заинтересиран за врска

Врските не треба да се тешки, ни комплицирани. За нивно одржување треба да вложите труд, но треба да се мачите да дознаете дали воопшто сте во врска со некого или не.

Интензитетот и темпото и кај двајцата треба да биде горе-долу исто и ако немате исти очекувања од врската, тогаш, за жал, само си го губите времето и вложувате енергија на погрешно место.

Ако вие сакате сериозна врска, но тој не, вие само наоѓате изговори за неговото однесување, надевајќи се дека нешто ќе се смени, а всушност не сте му приоритет. Ако сака да биде со вас, вие нема воопшто да мора да се прашувате дали врската е сериозна или не.

Без разлика дали има квалитети кои ви се важни за еден партнер, ако тој не се чувствува исто како вас тогаш за жал, вашиот тајминг е погрешен.

Ова се 10 знаци дека тој не е сериозно заинтересиран за врска:

1. Никогаш не го договара следниот состанок. Ти си таа што пишува, се јавува, го менува распоредот за да се прилагоди на неговиот.

2. Се гледате најчесто за секс, кај него или кај тебе дома, не излегувате заедно во јавност. Кога тој иницира средба, претежно е за секс што не продолжува во долга вечер со разговор или други активности.

3. Те држи „на дофат“. Ти пишува кога му е здодевно, користи умилкувачки зборови, покажува моментален интерес за твојот живот, само колку да те држи наоколу кога ти му требаш. Одвреме-навреме прави некој „романтичен“ гест, а потоа го нема со денови или недели.

4. Игра топло-ладно. Поточно, недоследен е. Еднаш се однесува како да сте во врска, а потоа се дистанцира и те исклучува од комуникација. Ваквото играње топло-ладно се должи на неговата емотивна незрелост, односно тој ги зема предвид само своите потреби и чувства.

5. Не можеш да се потпреш на него. Откажува состаноци, дава ветувања што речиси никогаш не ги исполнува, иако првично со голем ентузијазам ги прифатил. Неговата непостојаност укажува дека тој не е подготвен да биде нечиј партнер.

6. Те држи „под стаклено ѕвоно“, односно те нема запознаено со неговите најблиски пријатели или семејството иако се забавувате веќе одредено време. Вашите средби се сведуваат на гледање на само, а кога излегувате заедно, не чувствува потреба да те запознава со луѓето кои ги сретнувате или барем не во својство на девојка.

7. Се забавувате некое време, но немате секс. Освен ако не станува збор за свесна и споделена одлука, дистанцирањето од тебе како сексуална партнерка укажува дека ти си му само добра другарка со која понекогаш се бакнува, но не гледа на тебе како на партнерка или со тебе се забавува додека не наиде „некоја подобра“.

8. Веќе се гледа со некоја друга. Уште полошо ако е во сериозна врска или брак. Ако не сте разговарале дека таа врска ќе заврши без разлика што ти си се појавила во неговиот живот или не, тој само игра на два терена. Дури и да ја раскинува врската, размислете дали е подготвен веднаш да влезе во подеднакво сериозна врска со вас.

9. Не се однесува добро со тебе. Ова не треба ни да го нагласуваме, но ако те омаловажува, не ги зема предвид твоите потреби и желби и ти си често метата на неговите фрустрации, не е прашање дали тој сака да биде со тебе, туку дали ти ќе дозволиш да го поминуваш животот со некој таков или ќе ја вложиш твојата енергија, време и чувства на некој кој те заслужува.

10. Не сака да разговара на темата. Ако се забавувате веќе некое време и вие експлицитно сте ја отвориле темата дали оваа врска е ексклузивна и сериозна, а тој ја одбегнува или кажува дека не сака да разговара за тоа, тогаш тој не е сигурен дали сака воопшто да биде во врска, со вас или со некоја друга.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Љубов и секс

5 совети како да го разгорите повторно вашиот сексуален живот

Read more

Во кое време од денот е најдобро да имате секс, според возраста?

Read more

Која е просечната неделна доза секс?

Read more

Како сексот може да ви помогне да напредувате на работното место?

Read more
 

Магазин

  • filter

Четири одлични совети: Слабеењето може да биде успешно и без одење во теретана

Читај повеќе

В недела почнува летното сметање на времето: Како поместувањето на стрелките влијае на нашето тело?

Читај повеќе

Едноставен и брз метод: Белите патики повторно ќе изгледаат како нови

Читај повеќе

Историски заблуди

Читај повеќе

5 совети како да го разгорите повторно вашиот сексуален живот

Читај повеќе

Голем месечен хороскоп за април 2024: Ретрограден Меркур им ги мрси конците на неколку знаци

Читај повеќе
  • filter

Најскапите намирници во светот: Треба да потрошите вистинско богатство за нив

Читај повеќе

Рецепт на денот: Јагнешки бут зачинет на грчки начин

Читај повеќе

Зошто никогаш не треба да го резервирате седиштето 11А во авион?

Читај повеќе