На свеченоста што се одржа во Париз по повод 100-годишнината од крајот на Првата светска војна германската канцеларка Ангела Меркел се најде среде интересна ситуација.
101-годишна Французинка помисли дека Меркел е сопруга на претседателот Емануел Макрон.
„Господине Макрон, ова е неверојатно. Една мала добра жена како мене се ракува со вас. Тоа е фантастично“, изјави бабичката по ракувањето со францускиот претседател.
Потоа таа се сврти кон германската канцеларка и ја праша: „Дали сте вие госпоѓа Макрон?“
„Јас сум канцеларката на Германија“, одговори Меркел.
Симпатичната старица не можеше да го сокрие возбудувањето поради средбата.
„Неверојатно е ова да се случува на обична жена како мене. Ви благодарам“, продолжи бабичката.
Целата интересна ситуација заврши со заедничка фотографија.
