Во областа на градежништвото нема попредизвикувачки проект од изградбата на мост. Овие конструкции ги премостуваат природните пречки, поврзуваат делови од градот и честопати цели земји. Ова се некои од највпечатливите мостови некогаш изградени.
Мостот кој во превод значи Златен мост е висечки мост долг 2.737 метри кој ги поврзува Сан Франциско и Округот Марин. Мостот се наоѓа над теснецот Голден гејт. Дневно преку него минуваат околу 110 илјади автомобили.
Овој мост во Дубаи е еден од трите пешачки моста преку каналите во Дубаи. Неговата конструкција предизвикува воодушевување кај минувачите, но и кај архитектите и градежните инженери.
Бруклин Бриџ, или Бруклински мост, е еден од најстарите висечки мостови во САД. Ги поврзува њујоршките општини Менхетн и Бруклин, а најпознат е по своите бројни „улоги“ во филмовите.
Монстот на езерото Пончартрејн е фиксирана врска составена од два паралелни моста кои водат преку езерото во јужниот дел на Луизијана во САД. Долг е 38,35 километри и со тоа влезе во Гинисовата книга на рекорди како најдолг непрекинат мост преку вода на светот.
Овој мост познат и како Ѓаволски мост се наоѓа во Германија и изграден е така за со својот отсјај во водата да формира полн круг. За него се поврзуваат бројни легенди, а меѓу нив и онаа дека го изградиле самите ѓаволи.
Овој мост-тунел ги поврзува данската престолнина Копенхаген и шведскиот град Малме и тоа преку пат долг 8 километри кој на вештачкиот остров Биберн продолжува во подводен тунел. Тој е еден од најфасцинантните мостови на светот бидејќи е комбинација на мост и тунел за чија изградба беше дури создаден и остров.
Во превод од виетнамски значи Златен мост. Овој необичен пешачки мост со ограда од златна боја беше отворен на почетокот од јуни во склоп на популарната туристичка локација Тјен Таи Гарден. Се наоѓа на висина од 1.400 метри надморска височина, поради што е видлив и од подножјето на околните планини. Долг е 150 метри и е поделен на осум дела, а секој од нив го раздвојува џиновска камена скулптура во форма на човечка рака.
Најдолгиот од осумте мостови кои го сочинуваат норвешкиот Атлански круг, неговата изградба претставувала вистински предизвик поради временските неприлики, односно дури 12 урагани ја успорувале изградбата.
Мостовите Фредванг се два конзолни моста кои го поврзуваат рибарското село Фредванг на островот Москенесеја со соседното острово Флакстадеја, Норвешка.
Висечкиот мост Хусеини е познат како најопасниот на светот. Оваа доста несигурна градба не е само стара и нестабилна, туку ѝ недостасуваат и многу оригинални дрвени даски. Мостот виси над леденото езеро Борит во пакистанската долина Хунза.
Овој мост налик на аквадукт минува преку реката Ландвасер во Швајцарија, а благодарение на него помеѓу планинските врвови минуваат возови. Дизајниран од Александер Акатос, вијадуктот е изграден помеѓу 1901 и 1902 година. Висок е 65 метри.