Скопје, 7 јуни 2020 (МИА) – Сто и единаесет новозаболени од COVID-19 се регистрирани во изминатите 24 часа. Две лица починаа, а шест пациенти се оздравени. Направени се вкупно 854 тестови за коронавирусот.
Со денешниот биланс вкупната бројка на ковид дијагностицирани во нашата земја од почетокот на епидемијата изнесува 3.025, бројката на оздравени пациенти е 1.646, на починати е 153, а во моментов бројот на активни случаи во земјата изнесува 1.226.
Како што соопшти Министерството за здравство најголем број од новорегистрираните случаи се во Скопје – 63, потоа следуваат Куманово – 11, Штип – 12, Тетово – 8, Велес – 3, Охрид – 1, Гостивар – 3, Крива Паланка – 1, Кочани – 9.
Институтот за јавно здравје денеска регистрира шест оздравени пациенти, еден во Прилеп, четири во Тетово, еден во Битола.
На Клиниката за инфективни болести и фебрилни состојби починаа две лица, пациентка од Струга на возраст од 53 години и пациент од Прилеп на возраст од 80 години.
По завршени епидемиолошки анкети, еден од позитивните случаи вчера од Скопје е контролен тест, еден заболен од Кочани е од Штип, а од Делчево е од Скопје. Согласно тоа последната дистрибуција по градови е следна:
• Скопје 1.264, активни 658
• Куманово 556, активни 140
• Дебар 52, активни 1
• Штип 174, активни 136
• Прилеп 218, активни 27
• Тетово 281, активни 119
• Струга 98, активни 25
• Велес 144, активни 30
• Битола 30, активни 3
• Охрид 31, активни 14
• Кавадарци 6, активни 1
• Гостивар 50, активни 29
• Гевгелија 6, активни 2
• Струмица 5, активни 2
• Крива Паланка 7, активни 1
• Радовиш 4, активни 0
• Крушево 3, активни 0
• Кочани 51, активни 20
• Пробиштип 5, активни 3
• Демир Хисар 1, активни 0
• Македонски Брод 2, активни 0
• Пехчево 3, активни 0
• Берово 2, активни 1
• Валандово 3, активни 2
• Виница 3, активни 1
• Делчево 1, активни 0
• Кратово 3, активни 1
• Свети Николе 3, активни 2
• Кичево 3, активни 1
• Неготино 16, активни 7 (*9 лица од ПЕ Неготино се жители на Демир Капија)
Од 854 тестови 440 се направени преку ИЈЗ, ЦЈЗ Скопје- 12, Авицена – 78, Биотек – 127, Жан Митрев (Филип Втори) – 56, Систина со PCR метода – 81 и МАНУ – 60. Досега во земјата се направени вкупно 36.325 тестирања на COVID-19.
Од вкупниот број направени тестови во изминатото деноноќие 103 теста се во рамките на скринингот во градинки преку ЦЈЗ Штип и Кочани, од кои девет тестови на вработени во градинки во Кочани се позитивни на COVID-19.
На Инфективната клиника во изминативе 24 часа примени се девет нови, а вкупно се хоспитализирани 62 пациенти. Од нив 27 се потешко болни и се на кислородна поддршка.
До утрово, во ГОБ „8 Септември“ примени се 14 нови, а вкупно се хоспитализирани 41 пациент. На респираторна машина се 8, a со потешка клиничка слика се уште 7 пациенти.
Во болницата во Битола се хоспитализирани 13 пациенти, а на домашно лекување преку болницата се следат 2 пациенти. Во болницата во Штип се хоспитализирани 22 пациенти. На инфективните одделенија во Тетово, Охрид, Велес, Куманово и Прилеп се хоспитализирани 30 пациенти – позитивни и сомнителни на COVID-19.
Главниот град и денеска со најголем број новозаболени од COVID-19, вкупно 63, а од скопските општини Чаир предничи според бројот на активни случаи заразени од коронавирусот – 152, покажува најновата статистика на Министерството за здравство.
Во билансот за состојбата со COVID-19, што денеска го објави Министерството, регистрирани се 111 новозаболени, а изнесени се и бројките на активни случаи во Скопско.
По Чаир со 152 активни случаи на второ место е Бутел со 59 активни случаи, трета е Гази баба со 58, во Аеродром има 53, во Сарај и Центар по 52.
Во Карпош се регистрирани 40 активни случаи, во Кисела Вода 29, во Арачиново 23, во Студеничани 18, во Ѓорче Петров и Илинден по 17, во Шуто Оризари 12, во Петровец шест, во Чучер Сандево три, во Сопиште два, а за еден случај сѐ уште се утврдува од која општина е.