Дванаесеткатница во Мајами Бич делумно се сруши, а спасувањето и потрагата по преживеани се во тек.
Според светските медиуми, повеќе од 80 спасувачи се на самото место, а според последните информации едно лице загинало, а најмалку деветмина се повредени.
Fox News истакнува дека сè уште не е познато колку луѓе се заробени под урнатините и дали има повеќе жртви. Се стравува дека има многу жртви и дека голем број луѓе се заробени во урнатините.
Еден од очевидците тврди дека почувствувал нешто како земјотрес.
Кимберли Моралес живее во зграда од другата страна на улицата и за CNN изјави дека ја разбудиле алармите и уривањето на станбена зграда.