12 март 1938, Хитлер и нацистите ја окупирале Австрија

Утрото на 12 март Осмата армија на германскиот Вермахт ја минала границата со Австрија и биле пречекани со воодушевување од австрискиот народ кој ги пречекал со нацистички поздрави, знамиња и цвеќиња.

„Најстарата источна провинција на германскиот народ ќе биде, од овој момент, нов бастион на германскиот Рајх. Како лидер и канцелар на германската нација и Рајх, го најавувам за германската историја влегувањето на мојата татковина во германскиот Рајх. Некои странски весници објавуваат дека сме влегле во Австрија со брутална сила. Можам само да кажам дека тие ни во смртта не би престанале да лажат. Кога ја минавме сега поранешната граница бевме пречекани со таква љубов каква што никогаш не сум доживеал. Не како тирани, туку како ослободители“, рекол Хитлер два дена по аншлусот.

Хитлер е роден Австриец од гратчето Бранау ам Ин во 1889 година во тогашна Австроунгарија.

Австрија во 1945 се ослободила од нацистите и повторно станала независна република.