Од 10 милиони пробиени лозинки во 2016 година, заедничко за 17% од нив е дека биле 123456.
Истражувачите на компанијата Keeper Security направиле истражување кое се однесува на 10 милиони пробиени лозинки во 2016 година кои биле јавно објавени на интернет, за да ги откријат „најпопуларните” лозинки.
И покрај сите предупредувања и кампањи на компаниите за компјутерска безбедност, најчестата лозинка и минатата година била 123456, во 17% од случаите на пробиени лозинки, а зад неа се qwerty, 12345678 и 111111. Меѓу останатите кои доминираат се: password, 123123, 123321, google, 987654321 и 666666.
Очигледно, малку работи се промениле во изминатата година во односот на корисниците кон нивните лозинки кои ги користат за друштвените мрежи и мејловите, а голема одговорност им оди и на душа на сервисите и нивните администратори кои ги прифаќаат таквите лозинки.