13 август 1961, почнала изградбата на Берлинскиот ѕид

На денешен ден во 1961 година почнала изградбата на Берлинскиот ѕид кој во наредните 28 години го делел Берлин на два дела.

„Никој нема намера да гради ѕид!“, изјавил Валтер Улбрихт, претседател на Источна Германија на 15 јуни истата година. Два месеца подоцна почнала изградбата на ѕидот.

После полноќ на 13 август полицијата и војската на Источна Германија ја затвориле границата на поделениот Берлин, а од утрото почнале градежните работи. Бил долг 156,4 километри и го обиколувал цел Западен Берлин кој бил контролиран од САД, Обединетото Кралство и Франција.

Урнат бил на 9 ноември 1989 година кога почнал падот на комунизмот во Европа.