14 јуни 1777, САД го добиле првото официјално знаме

На денешен ден за време на Американската револуција Континенталниот Конгрес усвоил резолуција со која „знамето на Соединетите Држави ќе бидат 13 ленти црвени и бели“ и дека „Унијата ќе ја сочинуваат 13 ѕвезди, бели на сина позадина, претставувајќи ново Соѕвездие“.

Државното знаме, кое станало познато како Stars and Stripes (ѕвезди и ленти) било базирано на знамето на Големата Унија, знаме кое го веела континенталната армија во 1776 година. Според легендата, шивачката Бетсу Рос од Филаделфија го дизајнирала знамето со 13 ѕвезди на сина позадина на барање на тогаш генералот Џорџ Вашингтон, подоцна првиот претседател на САД. Американските историчари до ден денес не можат со сигурност да ја потврдат оваа легенда, ниту да ја побијат.

Знамето денес изгледа значително различно во делот каде што се ѕвездите бидејќи со влегувањето на секоја нова сојузна држава - тоа се менувало. Првично се менувал и бројот на ленти, но во 1818 година Конгресот донел закон со кој бројот на ленти се вратил на оригиналните 13, додека само бројот на ѕвезди смеел да се менува - што важи и ден денес. Последен пат промена е направена во 1960 кога Хаваи станала 50-та сојузна држава.

Од 1877 година 14 јуни во САД е прогласен за Ден на знамето.