Здосадено ви е од постојаното измачување да заспиете? На некои им се случува често, на други ретко, но кога и да се случи е навистина непријатно особено ако утредента треба да станете рано.
Треба да станете во 7 часот бидејќи од 8 сте на работа. Во кревет сте, наместени, легнати, а сон никако не ве фаќа. Го погледнувате часовникот кој вели дека е речиси 2 часот по полниќ. Тогаш веќе ве фаќа и паника бидејќи времето веќе поминало и немате доволно време да се наспиете за утрото свежи да започнете со работните обврски. Тогаш ве обзема стрес, па посегнувате по разни лекови за смирување и спиење, а на крајот, утредента сепак ќе бидете уморни и ненаспани.
Велат дека има разни начини за тоа како да ги избегнете тие неспани ноќи.
Прво што трба да направите е да го проверите вашиот кревет. Дали навистина душекот и перницата ви се удобни? Постелата треба да биде место на кое ќе се чувствувате најкомотно и најпријатно. Доколку не е тоа случај, можеби е време за промена на душекот или перницата.
Дали можеби некоја светлина ви ја расипува ноќната атмосфера? Многумина тврдат дека комотно можат да спијат и со вклучен телевизор или запалена сијалица, но тоа е случај само кога сте премногу уморни. Изгасете сѐ што свети. Некогаш и осветлената Месечина која ја рефлектира сончевата светлина може да биде причина за илуминација на вашата соба. Доколку изворот на светлината доаѓа однадвор, тогаш повлчете ја завесата. Или набавете нова доколку онаа која ја имате лошо си ја врши работата и сѐ уште пропушта светлина.
Многу важен фактор е и температурата на вашата спална соба. Не смее да биде ниту налик на Сахара, ниту пак на Сибир. Бидејќи секој човек е различен, не постои температура еднаква за сите. Треба самите да си ја пронајдете иделната температура, а за тоа не ви е потребен термометар, туку едноставно вашето чувство на удобност и комоција.
Тимот на Bright Side направи убаво видео во кое ги објаснуваат токму едноставните трикови за полесен сон: