Облак е видлива маса на кондензирани капки или замрзнати кристали во атмосферата над површината од Земјата или некое друго планетaрно тело.
Гранката од метеорологијата која се занимава со проучување на облаците се нарекува нефологија.
На Земјата кондензираната материја всушност е водена пареа, која формира мали капки или кристали на мраз, најчесто со големина на пречникот од 0.01 mm. Групирани милијарди капки односно кристали формираат облак, кој е видлив објект во атмосферата.
Има стотици различни типови на облаци. Повеќето личат едни на други, но има некои облаци што се појавуваат толку ретко, што само неколку луѓе ги имаат видено со свои очи. Некои успеале да ги „фатат“ на фотографија или снимка.