Во акција на пристаниште во Филаделфија, американските власти открија 16,5 тони кокаин во товарниот брод MSC Gayane, што е едно од најголемите запленувања на дрога во историјата на САД.
Покренати се федерални обвиненија против двајца морнари кои признале дека помогнале во товарење на кокаинот на бродот додека бил на море.
Според судски документи, обвинети се Иван Ѓурашевиќ и Фонофаве Тиасаге. Федерални агенти откриле дека тие го истоварале кокаинот од 14 чамци.
Се проценува дека улична вредност на запленетиот кокаин изнесува повеќе од една милијарда долари, објавија на Twitter од канцеларијата на државниот обвинител за Источниот округ на Пенсилванија.
„Ова е најголемата заплена на дрога во историјата на Источниот округ на Пенсилванија. Членови на екипажот на бродот се уапсени и се соочуваат со федерално обвинение, а истрагата е во тек“, стои во објавата.
Инспекторите веруваат дека кокаинот е префрлен на товарниот брод MSC Gayane на Бахамите или откако го напуштил пристаништето на тие острови.
Се наведува дека бродот во САД пристигнал од Чиле, преку Панама и Бахамите.