ФБИ го потврди идентитетот на атентаторот кој пукаше во Доналд Трамп како Томас Метју Крукс од Пенсилванија. 20-годишниот од Паркот Бетал, Пенсливанија, отвори оган на поранешниот претседател од покрив на објект оддалечен 130 метри од собирот, објавија американските медиуми.
Крукс уби едно лице од толпата, го погоди Трамп во увото, а потоа беше застрелан од агенти на Тајната служба.
Полицијата била видена околу неговото тело и пушката која тој ја користел во еден од најстрашните акти на политичко насилство во историјата, пишува Daily Mail.
Доналд Трамп беше нападнат на неговиот митинг во Пенсилванија.
Додека го држел говорот, биле испукани неколку истрели. Засега не е познато какво оружје е употребено, но откако биле испукани, Трамп се спуштил или паднал на земја.
Тој брзо беше опкружен со вооружено обезбедување, а Трамп остана долу околу една минута. Во позадина се слушаа врисоци на насобраните поддржувачи.
Трамп потоа стана и ја крена тупаницата во воздух, пред да биде придружуван од бината до возило и потоа да биде однесен од местото на настанот.
На видеото кое се појавило се гледа крв на неговото уво. Поранешниот претседател изгледаше како да ја стиска главата додека се спушташе кон земјата.
Поранешниот претседател Џорџ Буш изјави дека е „благодарен“ што Доналд Трамп е безбеден.
„Лора и јас сме благодарни што Трамп е безбеден по кукавичкиот напад врз неговиот живот. И ги пофалуваме мажите и жените од Тајната служба за нивниот брз одговор“, рече тој.
Американскиот претседател Џо Бајден изјави дека е „благодарен“ што неговиот ривал Доналд Трамп е безбеден по пукањето на митинг во Пенсилванија.
„Информиран сум за пукањето на митингот на Доналд Трамп во Пенсилванија. Благодарен сум што слушнав дека е безбеден и здрав. Се молам за него и неговото семејство и за сите оние кои беа на митингот додека чекаме дополнителни информации“, се вели во соопштението.Изјавата на Бајден.
„Џил и јас сме благодарни на Тајната служба што го одведоа на безбедно. За ваков вид насилство нема место во Америка. Мораме да се обединиме како една нација за да го осудиме“, додаде Бајден.
Кон поранешниот американски претседател Доналд Трамп беше пукано на предизборен митинг во градот Батлер, изјави окружниот обвинител.
Елон Маск на социјалната мрежа X објави дека го поддржува Доналд Трамп по нападот врз него за време на митинг во Пенсилванија.
Кон поранешниот американски претседател Доналд Трамп беше пукано на предизборен митинг во Батлер, објави Вашингтон пост, повикувајќи се на окружниот обвинител. Напаѓачот и еден од посетителите се убиени.
„Целосно го поддржувам претседателот Трамп и му посакувам брзо закрепнување“, напиша Маск на X.
Маск сподели и фотографија од Трамп по нападот, држејќи ја десната рака со стисната тупаница високо во воздух веднаш по нападот.
Тој, исто така, на X напиша дека „Америка немала толку силен кандидат уште од Рузвелт“.
Меѓународните лидери објавуваат пораки за поддршка на социјалните мрежи откако поранешниот претседател Доналд Трамп беше повреден на митинг во Пенсилванија.
„Сара и јас сме шокирани од нападот врз претседателот Трамп. Се молиме за неговата безбедност“, изјави израелскиот премиер Бенјамин Нетанјаху.
„Насилството раѓа повеќе насилство. Жал ми е за она што се случува во изборниот процес во САД. Мојата солидарност со Доналд Трамп“, изјави претседателот на Хондурас, Ксиомара Кастро де Зелаја.
„Моите мисли и молитви се со претседателот Трамп во овие темни часови“, нагласи унгарскиот премиер Виктор Орбан.
