Новиот договор што го доби Французинот Антоан Гризман во Атлетики Мадрид би можело да му ги наруши односите со Диего Коста.
Французинот и Шпанецот со бразилско потекло одлично соработуваат откако напаѓачот се врати во Атлетико од Челзи, но се чини дека парите ќе ја уништат хемијата што постои меѓу нив двајца.
Шпанските медиуми пишуваат дека Коста му завидува на Грзиман бидејќи летово доби нов договор вреден 20 милиони евра годишно, што е три пати повеќе од неговата плата.
Коста нема постигнато гол во Ла лига од февруари, но иако има добар однос со Гризман на теренот, не е задоволен од моменталниот третман од клубот.
Шпанските медиуми исто така шпекулираат дека токму поради тоа Коста можеби ќе побара трансфер во Кина во јануари.
