Кои се најважните работи за една врска да биде среќна и успешна? Дали можеби тоа се финансиската стабилност, пријателството и комуникацијата меѓу партнерите?
Сите овие работи се важни, но научникот Џон Готман во последните две децении има анализирано многу брачни парови, а издвоил два заклучоци. Ако сакате стабилна и здрава врска вежбајте често да бидете љубезни. Под тоа се мисли да бидете пријателски настроени и великодушни.
Доказите покажуваат колку што сте пољубезни кон партнерот и тој повеќе ќе биде љубезен кон вас, што води кон еден прекрасен круг на љубов и великодушност.
Но, понекогаш е тешко да се биде љубезен, особено кога сте налутени или вознемирени, љубезноста не е првата работа што ви паѓа на памет. Во тој случај важно е на некој начин да покажете љубезност, за да биде врската силна и стабилна. Под љубезност се подразбира да направите некој убав гест.
Издвоивме 20 работи кои ќе ја зацврстат вашата врска и ќе ја направат среќна и успешна:
1. Не го понижувајте партнерот.
2. Купете му го омиленото чоколадо, книга или изнесете ја/го на кафе
3. Почитувајте го начинот на кој партнерот го доживува светот
4. Почесто смејте се заедно
5. Кога партнерот зборува целосно посветете му внимание
6. Кога сте во продавница јавете се да го прашате дали му е потребно нешто.
7. Подгответе му вкусен појадок во текот на викендот
8. Секогаш кога го пречекувате дочекајте го со насмевка
9. Размислете за нешто пред да го кажете
10. Дајте му поддршка кога има проблем
11. Делете му комплименти
12. Извинете се кога грешите
13. Времето кога сте заедно минувајте го квалитетно
14. Преземете одговорност за вашите дела и зборови
15. Оставете му/ѝ некоја убава порака на видно место
16. Не барајте ништо за возврат
17. Дајте му/ѝ време за себе
18. Внимавајте што зборувате кога сте лути
19. Завршете ги домашните обврски кога вашиот партнер не може
20. Кажете му ги на партнерот неговите/нејзините позитивни карактеристики.
Ова се мали и едноставни работи, кои можат магично да делуваат на вашата врска.
