Останува само уште едно коло од квалификациите за Европското првенство во кошарка. За жал 42. издание на Евробаскетот на ФИБА, кое ќе се одржи во четири држави ќе мине без Македонија.
Македонските репрезентативци синоќа во Талин загубија од Естонија 84:65, со што остнаа без шанси за пласман на шампионатот.
Во пресрет на последната рунда за пласман на ЕвроБаскетот остнаа уште 4 места.
Пласман на турнирот кој ќе се одржи од 27 август до 14 септември веќе обезбедија организаторите:
- Кипар (Лимасол)
- Финска (Тампере)
- Полска (Катовице)
- Латвија (Рига).
Покрај веќе споменатите домаќини, низ квалификациите пласман изборија:
- Србија
- Литванија
- Словенија
- Израел
- Турција
- Италија
- Шпанија
- Белгија,
- Грција
- Грузија
- Естонија
- Велика Британија
- Чешка
- Франција
- Босна и Херцеговина
- Португалија.
Исланд и Унгарија ќе се борат за пласман во ЕвроБаскетот од групата Б, а во групата Д се очекува вистинска драма, бидејќи за две места се борат Германија, Црна Гора, Шведска и Бугарија.
Жрепката за групната фаза ќе се одржи на 27 март во Рига. Во истиот град ќе се одржи и финалето на ЕвроБаскетот. Да потсетиме, актуелен европски првак е Шпанија, која пред три години во финалето ја совлада Франција.
