На 100-годишнината од независноста на Полска, во Варшава беа организирани два паралелни маршеви.
Дури 200.000 националисти, екстремни десничари и фашисти вчера маршираа нив Варшава во Маршот за независност, во одбележувањето на 100-годишнината од независноста на Полска.
Градоначалничката на Варшава, Хана Гронкиевич-Валц претходно го забрани маршот поради расистички, антисемитски и неофашистички транспаренти и симболи. Но, националистичката десница на Полска најави дека нема да ја почитува забраната и дека ќе излезат на улиците.
Маршот на независноста беше предводен од воени возила, а зад нив чекореше полскиот државен врв и политичари од владејачката партија, на чело со Јарослав Качински.
Од паралелниот марш на неонацистите се слушаа навредливи изрази, а група учесници го запалија знамето на ЕУ.
„Гледаме што се случува во Скандидавија. Не сакаме така да биде и кај нас. Оттука нека тргне искрата која полека ќе ги победи тие марксисти и либерали кои ја уништуваат оваа земја“, изјави организаторот Роберт Бонкјевич.
Тој ги повика националистите да создадат нова полска елитa која ќе ја преземе „менталната власт“ над Полјаците.
„На Европа ѝ е потребна силна, христијанска, католичка Полска“, изјави тој.
Во Врцолав, Маршот на независноста организиран од радикалните националисти заврши со тројца повредени. Учесниците фрлале петарди и шишиња врз активисти кои стоејќи мирно протестирале против агресивниот национализам и антисемитизам.
