Toyota ќе ја претстави третата генерација на Century на автомобилскиот саем во Токио.
Аха, не го знаете моделот бидејќи е лимитиран само за јапонскиот пазар. Меѓутоа, го третираме бидејќи ни е интересен. А интересен е поради неговиот класичен изглед. И покрај класичниот изглед, автомобилот е опремен со најновите технологии на Toyota, a листата е долга, па ќе ја скратиме - LED адаптивни светла, тјунирана суспензија која во комбинација со новоразвиените гуми го зголемува конфорот во возењето и ги намалува вибрациите од патот, Safety Sense P систем за асистенција на возачот, две индивидуални задни седишта кои се контролираат преку големиот LCD екран. Екранот се користи и за контрола на климата и премиум аудио системот.
Toyota вели дека за ентериерот во кабината се користени материјали со висок квалитет.
Под хаубата, 2018 Toyota Century носи 5.0 литарски V8 хибриден мотор, за кој уште не се објавени технички детали, но производителот тврди дека „е најекономичен во класата”.