CASC планира повеќе од 40 лансирања во вселената во 2021 година.
Кинеската корпорација за вселенска наука и технологија (CASC) соопшти дека планира повеќе од 40 вселенски мисии во 2021 година, а главен приоритет ќе биде изградбата на првата кинеска вселенска станица.
Како што објави Кинеската медиумска групација (CMG), една од мисиите е Tianwen-1, првата кинеска сонда што ќе оди на Марс.
Сондата полета кон крајот на јули од центарот за лансирање Венчанг, на тропскиот остров Хаинан, во јужна Кина, и се очекува да стигне до орбитата на Марс во текот на февруари.
Целта на мисијата е да се анализира површината на Црвената планета со помош на теледиректиран робот.
Како еден од приоритетите за оваа година, Кинеската корпорација за вселенска наука и технологија (CASC) го наведе забрзувањето на примената на сателитскиот систем за навигација BeiDou и во други области, вклучително и цивилната авијација.
