21 февруари 1613, започнала ерата на Романови

Со смртта на Фјодор I во 1598 година, кој бил последниот владетел од викингшко потекло на династијата Рурик, а немал деца, завршила и лозата на династијата која 700 години владеела со Русија.

По низа превирања, на власт дошла династијата Годунов која набрзо потоа била соборена. Круната била понудена на некои подалечни потомци од династијата Рурик, но ја одбиле, по што на ред дошле Романови, кои биле роднини на Годунови. За цар било крунисано едно младо момче, 16-годишниот Михаил Романов.

Романови владеле со Русија во наредните три века сѐ до појавата на Болшевиците кои го ликвидирале целото царско семејство во 1918 година.