23 февруари 303, Диоклецијан го почнал прогонот на христијаните
Најголемиот прогон на христијаните во Римското Царство го направил императорот Диоклецијан кој на денешен ден објавил проглас со кој наредил да се сруши до темел црквата во Никомедија.
На 23 февруари во Рим бил празникот Терминалија во чест на богот Термин кој во римската митологија бил бог на границите и на ограничувањата. Со ваквата симболика Диоклецијан сакал да разграничи со христијанството во Рим.
Од христијаните се барало да се откажат од нивните верувања и да се вратат кон вистинските богови. Сите скапоцености од црквите биле запленети, истите разрушени, а оние христијани кои одбивале да ги почитуваат наредбите биле убивани.
Прогонот на Диоклецијан бил последниот, но и најголемиот прогон на една религиска група во антиката. Најмногу страдале христијаните во Мала Азија, Сирија, Палестина и Египет каде и владеел Диоклецијан. Во тоа време Римското Царство било поделено на четири дела и со секој дел владеел различен император. Прогонот завршил во 313 година со прогласот од Милано. Диоклецијан се самоубил со труење три години подоцна.