26 јули 1908, формирано било ФБИ
Иако почетоците на ФБИ датираат уште од 1886 година, официјално е создадено на денешен ден во 1908.
Federal Bureau of Investigation (Федерално истражно биро), како што гласи оригиналното име, е агенција во склоп на Министерството за правда на САД којашто функционира и како федерално тело за криминална истрага и како внатрешна агенција за разузнавање. ФБИ има правна истражувачка надлежност за прекршоци во повеќе од 200 категории на федерални злодела. Неговото мото е „Верност, храброст, интегритет“ (Fidelity, Bravery, Integrity), кое е име што одговара на иницијалите на Бирото на англиски јазик. Седиштето, зграда наречена „Џеј Едгар Хувер“ во чест на поранешниот директор, се наоѓа во Вашингтон, Федерален округ Колумбија. Во поголемите градови низ САД сместени се 56 теренски канцеларии како и преку 400 постојани канцеларии во помалите градови и места ширум земјата. Во Амбасадите ширум САД се наоѓаат повеќе од 50 меѓународни канцеларии наречени „правни советници“.
На денешен ден во 1908 година на иницијатива на врховниот судија Чарлс Бонапарт ФБИ бил формиран како Истражно биро со 34 вработени меѓу кои ветерани од тајната служба, а за одговорно лице бил поставен Стенли Финч. Неговата прва задача била борба против проституцијата преку набљудување на јавни куќи.
Во 1932 година било преименувано во Истражно биро на САД, а наредната година се споило со Бирото за прохибиција и се преименувало во Истражувачка дивизија. Потоа во 1935 година го добило денешното име.