26 март 1979, Египет и Израел ставиле крај на војната

На денешен ден во Вашингтон бил потпишан мировниот договор помеѓу Египет и Израел кој ставил крај на војната која со прекини траела од 1956 година.

Конфликтот помеѓу двете држави почнал со Синајската војна, а кулминирал со Шестдневната војна во 1967 кога Израел ги освоил Појасот Газа, Синајскиот Полуостров, Западниот Брег и Голанските Височини иако на страната на Египет биле и Сирија, Јордан и Ирак. Истата година почнал нов конфликт кој траел до 1970 и во кој Египет бил помогнат од СССР, Јордан и Палестина, а двете страни прогласиле победа, но Израел и натаму го држел под контрола Синај. Во 1973 избила нова војна позната како Јом Јупур во која двете страни претрпели многу жртви, но Египет не го вратил Синај. Тогаш како помош на Египет му дошле Куба, Северна Кореја, Саудиска Арабија, Мароко, Алжир, Јордан, Ирак и Сирија.

По интервенција на Обединетите Нации била прекината војната, а потоа со Договорот Кемп Дејвид во 1978 Израел се согласи да му го врати Синај на Египет.

Конечно на 26 март 1979 година во Вашингтон со посредство на американскиот претседател Џими Картер Египет и Израел потпишаме Мировен договор кој до ден денес не е прекршен, а две земји дури и отпочнаа добра меѓусобна соработка. Потписници се египетскиот претседател Анвар Садат и израелскиот премиер Менахем Бегин.