28 мај 1937, основан бил автомобилскиот гигант Volkswagen

На 28 мај 1937 година Владата на тогаш нацистичка Германија основала државна компанија за производство на автомобили наречена Gesellschaft zur Vorbereitung des Deutschen Volkswagens mbH.

Комплицираното долго име траело кратко и веќе истата година било сменето во поедноставното Volkswagenwerk, што во превод значи „Компанија за народен автомобил“, или подоцна едноставно Volkswagen (народен автомобил).

Седиштето било во околината на селото Фалерслебен (денес населба), кое поради фабриката наредната година прераснало во градот Волфсбург чија првична намена била сместување на работниците од фабриката. Денес седиштето е сѐ уште таму, а Волфсбург е прераснат во град со 124 илјади жители. Компанијата била водена од Германскиот работнички фронт, дел од нацистичката организација под покровителство на Адолф Хитлер.

Благодарение на автоиндустријата, денес Волфсбург е најбогат град во Германија.